des war a super fasnet ... oin ivent hot da andra gjagt ...

z' allererscht warmer beim scho au fir ons traditionella eischnella
en pfulladorf an dreikönig ....

-----------------------------------------

bald drnoch warad manne ond i en lautera beim bära rauslau
ond narrabaum sedza ... (des hot narrazonft obermarchtl
ibernomma ghet ond der schreiber enthält sich jeden
kommentares) ... zo dem
ganza hot mei alter freind otto gsait:
hosch scho ammol so en scheiss gseah ?

-----------------------------------------

eiser näggschtes ziel war do scho was ganz anderes ... mr warat
en hechenga ... des war klasse ... schnella wia dzau, kontakte
mit schneller vo sachsaheim, bad cannstatt ond ond ond ...
am nuia vsan - vize hammer gratuliert ond er hot behauptet, mir
wärad a guata rass ... de obere vo eisrer narrazonft ignorierat ons,
aber deschd egal ...
dieserorts hammer ed bloss a sauguata guggamusik uss luzern
troffa ond ghairt, mr hand au en doil von dr bruderschaft des bromiga freitig uss riadlenga kennaglernt ond da bendel griagt ob onseren bemiehongen om de schwäbisch allemannisch fasnet ...

sbeschte aber war, dass mer endlich erfahra hand, dass die schwaizrr
ed bloss riccola erfonda hand, sondern au des schnella.
hoisst bei dene "chlöpfa". do hammer blöd guggad ... ond mir esel
hand äwwe gmoit, des käm vo weigaata ... (hahaha)

------------------------------------------

en ganz besondera ivent war dr monderkenger glompige ...

hier die vorakündigong vo eiserm (pfulladorfer) redaggdör
thanne ... vielen dank fir den scheana bericht ...

mit onserm schnoeller - boeller - mitglied rosa ware dann uffem narratreffa en lindau ...
endlich hane dia nüssler uss dr schwiiz ammol laiv sea daffa - ein erlebnis ... au vo dr narrazonft geisenga ware sehr angetan ...
da schluss vo de brauchtumsvorführonga hett solla uffem münster-
platz dia plätzlerzunft weigaata macha ... laider isch vo dene gluufa neamad komma ... angeblich sei was mitem bus gwea - kommentar vomma zuschauer: no wärat se halt mitem fahrrad komma ...

aber a mir fremda schnellere ond i hand des ganze grettat,
do bene stolz druff ...